‘Lori sira tuir Nai nia dixiplina no hanorin.’ Efezu 6: 4
Aman, imi-nia oan sira merese hetan aman ida-ne’ebé sai modelu ka ezemplu moris kristaun nia iha sira nia oin, hanorin sira lia-loos husi Maromak nia Liafuan, no hatudu ba sira oinsá atu simu prezente moris rohan-laek nian. No karik iha imi-nia família laran, tradisaun furak ne’e sei hahú kuandu imi entrega imi-nia moris tomak ba Jesus Kristu.
Autor no profesór Biblia Gordon MacDonald konta istória kona-ba ema nain-tolu ne’ebé serbisu iha projetu konstrusaun nian, bainhira ema ida la’o-rai husu sira saida mak sira halo. Ema primeiru hatán katak nia hada hela batako. segundu deskreve ninia serbisu hanesan harii moru. Maibe ne’e mak ema terseiru ne’ebé nia hatudu respeitu ne’ebé loos ba ninia serbisu bainhira nia dehan: ” Hau harii katedral boot ida.” Husu pergunta ne’ebé hanesan ba aman nain-rua kona-ba sira-nia papél iha família no karik ita mós bele hetan kontráriu hanesan. Ema primeiru bele dehan: ” Hau apoia família ida.” Maibe segundu karik haree buat ne’ebé la hanesan no dehan: ” Hau tau matan labarik sira.” Ida primeiru haree ninia servisu hanesan tau paun iha meza leten. Maibe aman segundu haree buat sira-ne’e husi Maromak nia haree: nia partisipa iha forma moris nian.”
R.A. Torrey, mestre boot Biblia nian, dehan nune’e: ‘Mane ida nia susesu nu’udar lideer kristaun labele determina to’o ema ne’e hare nia bei-oan.’ Aman, hanoin kona-ba ne’e – Ita la’ós de’it hakiak ita oan-mane no oan-feto sira atu sira sai bo’ot, Ita hakiak aman no inan sira iha future oin mai. Ohin imi forma hela moris ida ne’ebe aban sei forma moris ba jerasaun sira tuir mai. No atu hetan susesu, imi tenke foti Maromak ho imi-nia liman ida no imi-nia oan sira ho imi-nia liman seluk.
Aihan Espiritual: Atus 20:7-12, Jer 29:4-14