‘Tanba ema hotu-ne’ebé iha defisiénsia.’ Levítiku 21:18
Atu ajuda ema sira ne’ebe iha problema ne’ebé seidauk rezolve hotu, ulukliu ita tenke rezolve ita-nia problema rasik. Se ai-moruk ne’ebé ita fo ba sira la halo ita hetan kura, ita sei la iha kredibilidade bainhira ita koko atu aplika ba ema seluk nia moris. Ida-ne’e katak se ita nia problema rasik seidauk rezolve hotu, Maromak sei la uza ita? Lae, ida ne’ebe estraga ona ne’e mak bele sai espesialita ba hadia ninian. Maibé ulukliu, imi tenke uza tempu atu hetan kura.
Susar atu ko’alia kona-ba vitória bainhira ita hasoru ona lakon. Bainhira imi hasoru ran-fakar espiritual no emosional, imi sei labele rezolve ema seluk nia problema tuir imi nia maneira. Seraque fuan kanek ne’e sala? Lae, ‘Tanba Maromak kura ema ne’ebé laran-kanek no Nia falun sira nia kanek.’ (Salmo 147: 3) Entaun husik Maromak kura imi atu nune’e Nia bele uza imi. Iha tempu Antigu Testamentu, imi labele serví nu’udar sacerdote se imi iha kanek ne’ebé seidauk hetan kura. Tan ne’e mak:
(1) Imi sei la atinji padraun espiritual.
(2) Imi labele hakbesik ho ema seluk se sira xoke imi no hakanek imi nia kanek.
(3) Imi la bele sai diak liu tanba moras ne’e hasai imi nia forsa.
(4) Imi sei ta’uk atu ko’alia imi-nia kanek se ema la simu imi. Imi sei subar ida-ne’e no, karik imi sei la seguru, no ta’uk ema ruma deskonfia ita-nia segredu.
(5) Buat ne’ebé aat liu mak imi servisu ba Maromak no tau matan ba ema seluk, maibe imi la iha tempu atu para no tau matan ba imi-nia an rasik. Entaun, rezolve lai imi nia problema ne’ebe seidauk rezolve hotu.
Aihan Espiritual: Eze 1-4, Marcos 10:13-22, Sal 111, Pro 19:18-20