‘Maibee sira fahe buat hotu hamutuk.’ Atos 4:32

Bainhira ita lee istória kona-ba Igreja Testamentu Foun, ita iha tendénsia atu kaer metin ba milagre furak sira. Maibé iha komponente ida-ne’ebé ita labele lakon: ‘Ema hotu nebee fiar nee iha neon ida laran ida. La iha ema ida nebee dehan katak sasaan nebee nia iha mak ninian mesak, maibee sira fahe buat hotu hamutuk. Apostolu sira foo sai sira nia testemunha ho kbiit makaas kona ba Nai Jesus moris fali. No sira hotu simu grasa boot. La iha ema ida iha sira nia leet nebee falta buat ida. Tanba sira hotu nebee iha rai ka uma faan buat sira nee no lori mai osan hosi buat nebee sira faan. Depois sira rai osan nee iha apostolu sira nia ain. No apostolu sira fahe osan nee ba ema ida-idak tuir buat nebee nia presiza.’ (Atos 4: 32-35)

Ita hatete: Se ha’u iha osan barak liu, ha’u sei kontente. Karik ita sente seguru liu no la iha preokupasaun barak, maibe la serteza katak sei kontente liu. Iha Jornal Estudu Haksolok nian, peskizador sira haree buat ne’ebé halo diferensa entre ema ne’ebe haksolok ho ema ne’ebé la haksolok. Fatór ida-ne’ebé konsistente haketak grupu rua ne’e. Ne’e la’ós kona-ba osan hira mak ita iha; la’ós kona-ba ita-nia saúde, seguransa, atrativu, matenek, ka susesu ba karreira. Buat ne’ebé halo diferensa entre ema ne’ebe haksolok hela deit ho ema ne’ebé ladún hakosolok mak: prezensa relasaun ne’ebé kle’an, prodús haksolok, mudansa moris, no signifikativu.

Peskizador sosiál Robert Putnam hakerek: Rezultadu úniku ne’ebé komún liu husi peskiza iha sékulu balu kona-ba satisfasaun moris nian… mak katak haksolok ne’ebé di’ak liu mak prediksaun husi ema nia ligasaun sosiál nia luan no kle’an. Maibé imi bele hatene ema barak sem ema ida husi sira hatene imi, no ikus mai imi senti mesak. Ema sira ne’ebé hela iha Igreja Testamentu Foun halo buat ne’ebé loos: kona ba fahe ba malu buat espiritual, emosaun, finansas, no relasaun, to’o ita hetan atinji nivel haksolok ne’ebe aas.

Aihan Espiritual: 1 Sam 1-3, Marcos 15:33-47, Sal 68: 1-18, Pro 22:1-5