‘Tebes Hau dehan ba imi, buat hotu nebee imi kesi iha mundu, kesi ona iha lalehan. No buat hotu nebee imi kore iha mundu, kore ona iha lalehan.’ Mateus 18:18
Maromak hatete ba Josue: “Foti dima nebee iha o nia liman ba diresaun Ai, tanba hau sei entrega sidade nee iha o nia liman.” Entaun Josue foti dima nebee iha nia liman ba diresaun Ai. Ne’e extraordinariu tebes bainhira ita iha aten-brani kuandu ita hatene katak Maromak mak apoio ita. Bainhira imi hatene katak Maromak iha imi-nia sorin, imi bele dehan: ‘La iha alat funu ida nebee ema forma hodi hasoru ita mak bele manaan, no nanaal ida-idak nebee sae hodi hasoru ita iha julgamentu nee ita sei kondena. (Isaias 54:17).
Maibe fiar ne’ebe aan demais ne’e la’ós fiar ne’ebe Maromak hakarak. Ita-nia problema mak, ita halo planu, hatete, no halo buat ruma sein haree uluk kedas se Maromak mak iha ita-nia kotuk. Imi hanoin-hetan saida mak espíritu aat hatete ba sira ne’ebé koko atu halo tuir Paulo nia serbisu haklaken kuandu sira la hetan kbiit husi Maromak nia Espíritu? “Hau hatene Jesus, no ha’u hatene Paulo, maibé imi ne’e se? Bainhira ita hetan atake, ita presiza hatene katak:
(1) Imi loos iha Maromak nia oin (haree 2 Korinto 5: 19)
(2) ida-ne’e mak Maromak nia funu no mós ita-nian (2 Kronikas 20:15), no
(3) ‘Tebes Hau dehan ba imi, buat hotu nebee imi kesi iha mundu, kesi ona iha lalehan. No buat hotu nebee imi kore iha mundu, kore ona iha lalehan. (Mateus 18: 18) tenke iha akordu rua. Se Maromak la aprova iha fatin ne’ebe Nia iha, lolos ita mos la aprova iha fatin ne’ebe ita iha ba.
Ita-nia fiar mai husi hatene katak Ita halo tuir Nai Nia hakarak. Biblia bolu ita nu’udar “serbisu-nain hamutuk ho Maromak “ (1 Korinto 3: 9), atu nune’e imi labele ba halo imi nia servisu rasik. Keta koko atu muda foho ida-ne’ebé Nai lakohi muda ka fanu ema ida husi mate, só de’it Lazaro ne’ebé Nia bolu. Ita halo de’it iha mundu buat ne’ebé Maromak fó sai ona nudar Nia hakarak iha Lalehan. No Nia apoio ita!
Aihan Espiritual: Amos 5:18-9:15, Marcos 10:1-12, Sal 103:13-22, Pro 19:17