‘Hau nia planu laos imi nia planu.’ Isaias 55: 8
Maromak hatete: ‘Hau nia planu laos imi nia planu, no Hau nia dalan laos imi nia dalan, hatete NAI. Tanba hanesan lalehan sira mak aas liu mundu, nunee Hau nia dalan sira mak aas liu imi nia dalan sira, no Hau nia hanoin sira mak aas liu imi nia hanoin sira. Isaias 55: 8-9) To’o imi simu realidade katak Maromak la hanoin hanesan imi, imi sei husu pergunta kona-ba Ninia dalan no mós dúvida kona-ba Ninia domin. Maibé dala barak Maromak uza ida-ne’e atu lori dame mai ita. Ita hakarak seguransa, maibé Nai interese liu ba karakter. Ita buka buat ne’ebé la dura, maibe Nai haruka ita atu harii ita-nia moris ba buat ne’ebe rohan-laek.
Faktus maka, Maromak nonok iha dimensaun ne’ebé ita la bele komprende. Salomao hateten: ‘Maibee see mak bele harii uma ida ba Nia? Tanba lalehan no lalehan nia lalehan la bele kaer Nia.’ (2 Kronikas 2: 6) saida mak kontrola ita labele kontrola Maromak, no saida mak halo ita preokupa la halo Maromak preokupa. Husu ba ita-nia an: seraque manu-makikit ida hanoin kona-ba tráfiku ka lae? Lae, nia semo iha leten. Seraque Ikan-baleia pertubadu ho laloran? Klaru katak lae, nia nani iha okos. Searque Leaun konfuzaun ho laho ne’ebe taka ninia dalan? Lae, nia bele lao iha laho nia leten. Hira tan mak Maromak bele halo atu semo iha leten, nani iha okos, no la’o iha problema sira nia leten?
Buat ne’ebé imposivel ba ema ne’e possivel ba Maromak (haree Mateus 19:26). Maromak bele hela iha fatin hotu, no Nia bele rona no hatán ba orasaun hotu ne’ebé to’o iha Nia. Hanoin to’ok kona-ba ne’e: Maromak servisu tuir planu no objetivu, Nia iha kadunan ne’eba no kontrola buat hotu, maibé Nia sei tau matan ba imi-nia moris hotu. Husik lia-loos ne’e fó konsolasaun ba imi ohin loron.
Aihan Espiritual: Eze gostu:25-30:26, Marcos 12:28-44, Sal 78:32-39, Pro 20:20-21