‘Hametin ha’u tuir Ita-Boot nia Liafuan.’ Salmu 119: 28
Liafuan tuan ne’ebé dehan: Orasaun muda buat barak’, iha signfika foun bainhira ita uza Biblia Sagrada iha orasaun. Orasaun hanesan ne’e book Maromak atu servisu iha ita. Importante liu mak orasaun ne’e muda ita nia moris. Kuandu imi halo orasaun uza Maromak nia Liafuan, ida ne’e mak sei akontese:
(1) Ita-nia fiar aumenta no ajuda Ita atu simu buat barak liután ne’ebé Maromak promete ona.
(2) Ita-nia hanoin foun ona, no ne’e halo Ita haree buat ne’ebé la hanesan.
(3) Ita hatene Maromak nia hakarak ne’ebé perfeitu.
(4) Ita bele la’o tuir lia-loos.
(5) Ita sai maduru iha lia-loos.
(6) Ita hakbesik liután ba Nai no iha relasaun ne’ebé besik liután ho Nia.
(7) Ita aprende Maromak nia dalan sira, no ida ne’e sai Ita-nia dalan.
8) Ita komprende Maromak nia resposta ba Ita-nia orasaun.
(9) Ita muda ho maneira pozitivu.
(10) Ita haree Maromak nia Bibi-Oan ne’ebé isai hanesan sentru ba Ita-nia Biblia rasik.
Tuirmai ne’e mak ezemplu balu husi Biblia ne’ebé Ita bele halo orasaun: ‘Loke hau nia matan, nunee hau bele haree buat furak iha O nia lei.’ (Salmo 19: 18)
‘Hau foo sai hau nia hahalok no O hataan hau, hanorin O nia estatutu sira mai hau. Halo hau kompriende O nia mandamentu sira nee, nunee hau medita ba O nia hahalok nebee furak.’ (Salmo26-27)
‘Hametin ha’u tuir Ita-nia liafuan.’ (Salmo 119: 28)
‘Oh hau hadomi tebes O nia lei! Hau medita ba nia loron tomak. O nia ukun fuan sira halo hau sai matenek liu hau nia inimigu sira, tanba ukun fuan sira nee hamutuk ho hau nafatin hela deit.’ (Salmo 97-98)
‘Hadook hosi hau, ema aat sira;tanba hau sei tuir nafatin ukun fuan sira hosi hau nia Maromak! Suporta hau tuir O nia promesa, hodi hau bele moris, la bele halo hau moe iha hau nia esperansa.’ (Salmo 115-116)
‘O nia testemunha sira sei loos too tinan ba tinan, foo kompriensaun mai hau hodi hau bele moris.’ (Salmo 119: 144)
Aihan Espiritual: Obadias, Marcos 6: 1-13, Salmo 73-80, Pro 17:27-28.