‘Uluk hau joven no agora hau sai katuas, maibee hau nunka haree ema moris loos nebee lakon, ka ninia oan sira husu ezmola hodi hetan paun.’ Salmu 2: 25
Se imi hanoin barak kona ba imi nia nesesidade, komesa sadere ba Maromak, hodi dehan: ‘NAI sei diriji ema nia hakat sira, bainhira Nia kontenti ho ema nee nia dalan; maski ema nee monu, nia sei la monu too lakon, tanba NAI mak kaer ninia liman. Uluk hau joven no agora hau sai katuas, maibee hau nunka haree ema moris loos nebee lakon, ka ninia oan sira husu ezmola hodi hetan paun.’ (Salmo 37: 23-25)
Keta koko atu hatene buat hotu no hahú sadere ba Maromak no la’ós ba imi-nia estratejia ka planu rasik. ‘Fiar ba NAI, no halo buat nebee diak; hela iha rai nee no simu fidelidade. Sai kontenti iha NAI,no Nia sei foo ba o buat nebee o nia fuan laran hakarak. Entrega o nia moris ba NAI, fiar ba Nia, no Nia sei ajuda o. (Salmo 37: 3-5)
Karik Maromak la fó buat hotu ne’ebé imi hakarak, maibé nia sei fó buat hotu ne’ebé imi presiza: ‘Nunee keta hanoin resin no dehan, ‘Ita sei haan saida?’ ka, ‘Ita sei hemu saida?’ ka, ‘Ita sei hatais saida?’ Tanba ema Jentiu sira buka buat hotu nee. Maibee imi nia Aman iha lalehan hatene ona katak imi presiza buat sira nee hotu. Maibee buka uluk Maromak nia reinu, no Ninia moris loos; no Nia sei aumenta buat seluk hotu ba imi.’ (Mateu 6:31-33)
‘Entrega ita nia todan ba Nai, no Nia sei sustenta ita.’ (Salmo 55: 22) Keta hanoin barak kona-ba ne’e, Maromak sei tau matan ba imi!
Aihan Espiritual: 1 Ped 3-5, Marcos 5:31-43 Salmo 65-72.