‘Bensaun ba povu ne’ebé hatene oinsá atu hahi’i Ita Nai.’ Salmu 89:15
Atu loke odamatan ne’ebé taka tiha, ita presiza xave nebe loos. Ne’e mak oinsá mak ita bele tama iha laran no hetan buat ne’ebé ita presiza. Fo hahi’i mak hanesan xave ida-ne’ebé ajuda ita atu tama ba Maromak nia presenca. Bensaun ba povu ne’ebé hatene oinsá atu hahi’i Ita Nai. Sira moris liu husi Maromak Nia oin nebe nabilan (Salmo 89:15) Fo hahi’i la’ós de’it atu hatudu aksaun laran-manas ba Maromak nia presenca, maibé mós atu halo buat barak liután. Fo Hahi Ida-ne’e pasu ida loke odamatan nune Maromak tama iha imi-nia moris no halo serbisu atu ajuda imi. Ho liafuan seluk, katak hahi’i ba Maromak mos hodi komvida maromak Nia intervensaun direta ba ita.
Ema Juda hanaran katak Fo Hahi ba Nai, no bainhira Izrael nia suku 12 la’o ba oin, Juda maka diriji dalan (haree Juizes 20: 18). Iha tempu ne’ebé ema Juda nia inimigu sira halo funu hasoru sira, Jeosafat, sira-nia liurai, haruka xefe ida ba liña oin iha tropa sira nia oin hodi kanta knananuk hahi’i nian ba Nai Maromak. Karik ida-ne’e ita hare hanesan estratéjia ida-ne’ebé estraino, maibé ida-ne’e lori manaan supernatural ou manan husi Nai Maromak . Bíblia hatete: Bainhira sira komesa atu kanta no hananu, Nai tau emboskada hodi hasoru ema Amon, Moab no Foho Seir sira, nebee mai hasoru Judá, no sira lakon. Tanba ema Amon no Moab hamriik hasoru ema hosi Foho Seir hodi oho no halakon sira hotu. Bainhira sira oho hotu ema hosi Seir, ema sira hotu nee ajuda atu oho malu. (2 Krónikas 20:22-23)
Hahi’i mak hatudu espresaun fiar ba Maromak. Ita fiar katak Maromak mak kontrola situasaun hot-hotu. Bíblia ko’alia kona-ba “sakrifísiu hahi’i nian”. (Ebreu 13: 15) Nee katak ita tenke hahi’i Maromak maski ita la gosta. Bainhira laiha hakarak hodi hahi ba Maromak, maibe ita tenke hili hodi fo hahi ba Nia.
Neemias hatete: Nai nia ksolok mak imi-nia forsa. (Neemias 8: 10) Fo hahi’i bele kura ita-nia sentimentu no hasa’e ita-nia laran-susar. La’o ba oin – koko! Uza xave atu fó hahi’i ba Nai Maromak!
Aihan Espiritual: Josue 14-15, Joao 15: 5-17, Salmo 148: 1-6, Pro 29:11-15