‘Ema ida-idak la bele buka diak deit ba ninia aan rasik, maibee buka mos ema seluk nia interese.’ Filipe 2: 4
Paulo hakerek, ‘Keta halo buat ida atu provoka malu ka buka diak ba ita nia aan deit. Maibee ho laran haraik aan, ema ida-idak sei hanoin ninia maluk mak diak liu fali ninia aan rasik.Ema ida-idak la bele buka diak deit ba ninia aan rasik, maibee buka mos ema seluk nia interese. Mai ita hanoin hanesan mos ho Kristu Jesus nia hanoin.’ (Filipe 2:34). Ne’e katak halo buat 5 tuir mai:
(1) Interese dunik ba ema seluk. ‘Haksolok ho sira ne’ebé haksolok, triste ho sira ne’ebé triste.’ (Roma 12: 15) Ita so bele halo nune’e bainhira ita uza tempu atu hatene saida mak akontese iha ema seluk nia moris.
(2) Entuziasmu nafatin. ‘Laran-haksolok halo ita-nia oin kontente, maibé laran-susar halo ita-nia laran sai fraku.’ (Proverbios 15: 13). Maski ida-ne’e bele ajuda ita, maibé koko atu ita konta sai (curhat) ba ema hotu loron tomak. Iha serteza katak Ita sei lori ita nia problema ba Nai liuhusi orasaun.
(3) kuidadu kona-ba buat ne’ebé Ita hatete, no sempre ko’alia uitoan liu fali buat ne’ebe Ita-nia hanoin. ‘Ema beik fakar sai hotu nia hirus, maibé ema ne’ebé matenek ikus mai redus.’ (Proverbiu 29: 11) No tanba ita-nia maneira koalia importante hanesan buat ne’ebe ita hateten, sempre hatudu hahalok diak no respeitu.
(4) Ema bele konfia. Bíblia hatete: ‘Maibee kompriende ida nee ba, katak iha loron ikus, tempu susar sei mai. Tanba ema sei hadomi deit sira nia aan rasik, hadomi osan, gaba aan, foti aan, koalia aat, la halo tuir inan-aman, la foo agradese, la santu, la iha laran diak, lakohi halo dame, konta aat ema nia vida, la kontrola aan, halo violénsia, la hadomi buat nebee diak.’ (2 Timoteo 3: 1-3), maibé imi la presiza kumpre profesia ne’e. Bainhira ó dehan katak ó sei halo buat ruma, halo ida-ne’e. Karater sukat liuhusi hahalok, la’ós liafuan. Tan ne’e, haka’as an atu sai ema ne’ebé nia liafuan iha signifika.
(5) Sai enkorajador. Ema koñese Barnabé nu’udar motivador tanba nia fó korajem ba ema kristaun sira. (Atos 11:23) Karik ita haree ona saida mak akontese bainhira ita dudu hela labarik ne’ebe sae boi (ayunan)? Bainhira sira komesa hetan dinâmika, sira rasik bele halo rasik ida-ne’e; sira presiza de’it ajuda uitoan husi ita atu hahu ida ne’e. até ita-nia hamnasa midar mós bele rezulta milagre. (haree Job 29: 24) Dala ruma simples hanesan ne’e!
Aihan Espiritual: 2 Ped 1-3, Joao 6:16-24, Sal 85, Pro 24:11-14