‘Nai Nia Liafuan nafatin metin iha Lalehan.’ Salmu 119:89
Nai Maromak Nia liafuan tenke sai NAFATIN iha ita nia moris. Lalehan hanesan Tribunal Supremu; bainhira atu halo julgamentu ba problema ida tenke too remata. No Nai Maromak Nia Liafuan maka buat nebe maka Nafatin iha Lalehan, nune Maromak Nia liafuan mos sai buat nebe Nafatin metin iha ita nia moris.
Jesus hateten, “Lalehan o rai sei liu, Maibe Hau Nia Liafuan sei la liu.” (Marcos 13:31) Biblia la presica muda ou renova: tamba Biblia nee perfeitu ona no labele hadia tan. Nee maka Jesus haruka ita hodi husik ‘Ninia Liafuan hela iha ita’(Joao 15:7)ho liafuan seluk katak halo lista iha ita nia hanoin ho Biblia Sagrada. Oinsa ita bele halo ida nee?
(1)Fo Fatin nebe Metin, laos status rohan deit. “Husik Kristu nia liafuan hela iha imi no sai buras ho matenek klean hotu. Hanorin malu no foo hanoin ba malu ho salmu, hananu no kanta espirituál sira. No foo agradese ba Maromak iha imi nia fuan laran.” (Kolose 3:16) Simu ba Biblia ninia liafuan nebe riku, signifika katak nakonu too naresin. Temi deit servico Saturasi! Lee Maromak Nia Liafuan, medita, temi Maromak Nia Liafuan ho makaas. Sim, no karik bele hananu Ninia liafuan sira nee “Hanorin malu no foo hanoin ba malu ho salmu, hananu no kanta espirituál sira. No foo agradese ba Maromak iha imi nia fuan laran.” (Kolose 3:16)
(2) Fo fatin iha imi nia oin bebeik. “Livru Lei Nian ne’e la bele sees hosi o nia ibun. O tenki medita ba livru ne’e loron-kalan, hodi o bele kuidadu atu halo tuir buat hotu nebee hakerek iha livru laran. Nune’e o sei halo o nia dalan sai diak no o sei hetan susesu. (Josue 1:8) Temi ba, medita ba no halo tuir ba.
Ita hateten. ‘Maibe hau lahanoin hetan didiak.’ Ne’e laos problema. Jesus hateten, “Maibee Ajudadór, katak Espíritu Santu, nebee Aman sei haruka mai hodi Hau nia naran, Nia sei hanorin buat hotu ba imi, no halo imi hanoin hetan buat hotu nebee Hau dehan ona ba imi”. (Joao 14:26) bainhira ita medita Nai Maromak Nia Liafuan, Espiritu Santu sei ajuda fo hanoin ba ita nebe ke la perfeitu.
Aihan Espiritual: Deut 22-24, Marcos 4:1-12, Salmu 119:17-24, Proverbio 17:7-10