‘Mais ou menus tuku tolu madrugada Nai Jesus besik sira no lao iha be leten.’ Marcos 6:48
No Nia haree sira servisu makaas atu hean roo, tanba anin huu hasoru sira. Iha tuku tolu dadeer-saan nakukun Jesus baa sira. Nia lao iha tasi leten, no Nia baa atu lao liu sira. Maibee bainhira sira haree Nia lao iha tasi leten, sira hanoin Nia mak mate klamar no sira hakilar. Tanba sira hotu haree Nia no sai tauk tebes. Nia koalia kedas ba sira, no dehan ba sira, “Aten brani ba! Nee mak Hau. Keta tauk.” Nia lao ba sira no sae roo. Depois anin para. No sira admira tebe-tebes.’ (Marcos 6:48-51)
Nakukun laos bebeik sai inimigu ninia servico, dalaruma ida ne’e sai instrumentu nebe diak nebe Maromak uja hodi hanorin ita. Ita koinese Maromak ho diak bainhira ita liu susar ou laloran hamutuk ho Nia; no too fatin nebe ita nia hanoin, ‘se bainhira Nai Maromak la hamutuk ho hau nune hau sei mout. Nune’e Nai Maromak mai, ‘lao iha tasi leten’. Jesus hateten ba Nia eskolante sira “Buat nebee Hau dehan ba imi iha fatin nakukun, foo sai iha fatin naroman. No buat nebee imi rona bis-bisu, haklaken hosi uma leten.” (Mateus 10:27) iha tempu-tempu nebe nakukun ba ita, Nai Maromak fo mai ita ideias nebe ke boot. Salmista hateten “Maibe nakukun ne’e mos laos nakukun ba O, no kalan sai fali naroman hanesan loron, tanba nakukun mak hanesan naroman ba O”. (Salmu 139:12) tan nune, dalaruma ita atu halai ses husi problema, maibe husu ba Maromak para Nia haluan ita nia visaun iha ita nia kalan Nia sei hatudu mai ita “No Hau sei foo riku-soin ba ita hosi fatin nakukun, no osan nebee subar iha fatin segredu sira, hodi ita bele hatene katak Hau mak Nai, nebee bolu ita ho ita nia naran,Hau mak Maromak iha Israel.” (Isaias 45:3)
Iha hanoin ida tan maka: bainhira nakukun nebe hasoru mai ita ida nee desijaun Maromak Nian, no labele koko halakan ita nia naroman rasik. “See mak iha imi nia leet nebee hamtauk ba Nai, nebee halo tuir lian hosi Ninia atan? Husik nia nebee lao iha fatin nakukun, no iha fatin nebee lampu la iha, bele fiar ba Nai nia naran, no hetan suporta hosi ninia Maromak. Aii susar ba imi hotu nebee halakan ahi, nebee foti lampu lakan sira! Lao ho naroman hosi imi nia ahi, no ho lampu nebee imi mak halakan. Imi sei hetan buat nee hosi Hau nia liman: imi sei toba iha fatin terus”(Isaias 50:10-11) bainhira ita iha nakukun laran tamba Nai Nia planu, ita la presica tauk: tamba Nai promete ona katak Nia sei lori ita pasa liu situasaun ne’e.
Aihan Espiritual: Deut 14-17, Marcos 3:7-19, Salmu 119:1-8, Proverbio 17:3