‘Nunee mos, Espíritu ajuda ita tanba ita sei fraku.’ Roma 8:26
Buat rua ne’ebé ema ida-idak tenke halo loroloron mak: orasaun no lee Biblia. Maibé, maski orasaun ne’e simples, maibé la fasil atu halo orasaun. Ita ladún iha motivasaun atu halo orasaun, no ita ladun iha serteja ba saida mak ita halo orasaun ba. Nune’e, Maromak fó ajuda ba ita liu husi espíritu santu hodi rekoñese ita-nia hahalok-aat no falha sira.
Paulo hakerek: ‘Nunee mos, Espíritu ajuda ita tanba ita sei fraku. Tanba ita la hatene atu husu saida bainhira ita halo orasaun, maibee Espíritu rasik halo ita nia orasaun ho lian halerik nebee klean liu ema nia lian.No Nia nebee buka hatene ema nia fuan laran hatene Espíritu nia hanoin. Tanba Espíritu halo orasaun ba santu sira tuir Maromak nia hakarak.’ (Roma 8:26-27) ida ne’e signifika la importa oinsa ita nia sentimentu bainhira ita orasaun, Espíritu Santu halo orasaun hamutuk ho Ita no ba Ita, hodi muda ita nia orasaun ne’ebé fraku sai orasaun ne’ebe iha poder ba Aman.
No bainhira eskritura ne’e ko’alia kona-ba Maromak nia Liafuan, Espíritu Santu mos iha knaar ne’ebé hanesan. Jesus hatete: ‘Maibee bainhira Espíritu lia loos nian mai, Nia sei lori imi tama ba lia loos hotu. Tanba Nia sei la koalia hosi Ninia aan rasik, maibee Nia sei koalia buat hotu nebee Nia rona.’ No Nia sei foo sai ba imi kona ba buat sira nebee atu mai. (João 16: 13) Nota katak Espíritu Santu halo buat tolu.
(1) Nia dirije ita atu estuda Maromak nia Liafuan no koko atu komprende.
(2) Nia hato’o buat ne’ebé Jesus hakarak ita atu hatene no hatudu ba ita.
(3) Nia loke ita-nia komprensaun kona-ba buat ne’ebé sei mai daudaun. La iha pergunta ida kona-ba ne’e, livru sira ne’ebé ko’alia di’ak, fontes sira ne’ebé bazeia ba Eskritura, no mós mestre Biblia ne’ebé matenek presija no diak dunik, maibé sira la troka bainhira rona husi Espíritu Santu ba imi-nia an rasik no rona didi’ak buat ne’ebé Nia hakarak fó sai ba imi.
Aihan Espiritual: Apos 27-28, Marcos 1:9-20, Sal 78 :9-16, Pro 16:25