‘Hau mai hodi sira bele hetan moris, no hetan moris nee nakonu resin. ‘João 10:10
Seraque esperiensia ne’ebé Ita hasoru ona halo Ita sai ema ne’ebé diferente husi buat ne’ebe Maromak hakarak ka lae? Seraque ema barak, objetivu no haksolok ne’ebe ita hili kauza sentimentu des-esperadu kona ba futuru?
Kuandu ita senti katak laiha folin, susar atu fiar katak Maromak bele hadomi ita, maibé Nia halo nunee. Nia hatene katak imi mak ema ne’ebe bele halo buat boot ba Nia. Tan ne’e mak Nia book imi-nia laran no fó-hatene ba imi katak Nia servisu hela iha imi nia moris. Entaun hatán ba Nia ho fiar. Katak Maromak bele halo ó sai ‘kriasaun foun ida.’ (2 Korintu 5:17)
Muda imi-nia fiar husi imi-nia fraku ba Ninia kbiit rasik. Tau fiar ba Nai duke tau fiar ba an rasik. Imi-nia kanek ne’ebe iha tamba imi rasik ka ema seluk mak hakanek, Jesus sei kura imi no halo imi moris fali.
Imi hatete: Maibe o la hatene buat ne’ebé ha’u halo ona, no ema sira ne’ebé ha’u hakanek ona. Jesus hatene. No nia hakarak halo loos fatin ne’ebe kleuk iha imi-nia laran no halo imi kompletu fali. Maibé imi tenke husik Nia asesu iha imi-nia moris tomak. Bainhira Jesus tama iha imi nia fuan, ó sei nunka sai hanesan o ida uluk.
David nia sala sai hanesan eskandálu nasional. Maibé bainhira Maromak fó perdua no hadi’a fali nia, nia hakerek: ‘Hahii ba NAI, Oh hau nia klamar, no la bele haluha buat diak hotu nebee Nia halo. NAI hamoos hau nia sala hotu, Nia kura hau nia moras hotu. Nia salva hau hosi rai kuak klean, Nia haleu hau ho laran diak no laran luak. Nia enxe hau nia moris ho buat diak, nunee hau bele joven nafatin hanesan makikit.’ (Salmo 3: 2-5) atensaun ba benifisiu potensial husi entrega moris ba Kristu mak: perdua, kura, liberdade husi toman aat sira, laran-sadi’a no haksolok.
Aihan Espiritual: Jer 1-3, Mateus 22: 1-14, Sal 21, Pro 14:17-20