‘Haree took ba manu sira iha loro leten. Sira la kuda, no sira la silu ka haloot iha armazén. Maibee imi nia Aman iha lalehan foo haan ba sira. Laos katak imi mak folin boot liu fali sira?’ Mateus 6:26
Jesus hatete: ‘Haree took ba manu sira iha loro leten. Sira la kuda, no sira la silu ka haloot iha armazén. Maibee imi nia Aman iha lalehan foo haan ba sira. Laos katak imi mak folin boot liu fali sira? Ema ida nebee mak hodi hanoin resin bele aumenta oras ida ba ninia moris? No tanba saa mak imi hanoin kona ba imi nia ropa? Haree ba ai funan iha rai luan, oinsaa sira moris: sira la servisu no sira la soru tais. Maibee Hau dehan ba imi katak Salomão iha ninia glória hotuh la bele hatais furak hanesan ai funan sira nee ida. Entaun, se Maromak foo hatais ba duut iha rai luan hanesan nee, nebee loron ohin sira iha, depois loron aban ema soe sira ba ahi, laos katak Nia sei foo hatais mos ba imi, Oh imi nebee fiar kiik? Nunee keta hanoin resin no dehan, ‘Ita sei haan saida?’ ka, ‘Ita sei hemu saida?’ ka, ‘Ita sei hatais saida?’ Tanba ema Jentiu sira buka buat hotu nee. Maibee imi nia Aman iha lalehan hatene ona katak imi presiza buat sira nee hotu. Maibee buka uluk Maromak nia reinu, no Ninia moris loos; no Nia sei aumenta buat seluk hotu ba imi.’ (Mateu 6:26-33)
Se imi presiza tan promesa husi Biblia entaun hare tuir mai tan: ‘Hamtauk ba Nai, hei ema santu sira, tamba la falta baut id aba ema ne’ebe Hamtauk ba Nia!’ (Salmo 34: 9)
Aleluia! Haksolok ba ema nebee hamtauk ba NAI, ida nebee gosta tebes Ninia ukun fuan sira. Ninia bei-oan sira sei iha podér iha mundu, no ema loos nia jerasaun sei hetan bensaun. Ninia uma iha riku-soin barak, no ninia hahalok loos dura too rohan laek. Ba ema loos, naroman leno iha fatin nakukun. Nia iha grasa, laran diak no hahalok loos. Haksolok ba ema nebee iha grasa no bele foo impresta, no nia halao buat saida deit ho justisa. Ema moris loos sei nunka monu, povu sei hanoin hetan nia too tinan ba tinan. Nia la tauk bainhira nia simu lia menon nebee aat, ninia fuan laran sei metin, tanba nia fiar ba NAI. (Salmo 112: 1-7)
Maromak grava Ninia promesa sira-ne’e iha Biblia atu nune’e imi bele lee promesa sira-ne’e beibeik, no bainhira imi lee promesa sira-ne’e, imi sei hamriik husi imi nia laran susar no halao moris ho haksolok no fiar-metin.
Aihan Espiritual: Exo 27-35, Kol 2:9-15