‘Atu nunee ita nia haksolok bele sai kompletu.’ 1 Joao 1: 4
Bainhira ita-nia moris la iha haksolok ita nia forsa mos lakon (haree Neemias 8: 10). Ita nia haksolok labele bazeia ba saida mak akontese iha ita nia sorin-sorin, maibe ida ne’e tenki depende ba ita-nia relasaun ho Jesus. Joao hatete: ‘atu nunee ita nia haksolok bele sai kompletu.’ (1 Joao 1: 4)
Pastor Reimar Schultze hatete: Joao la ko’alia ida ne’e bainhira buat hotu di’ak, maibé bainhira buat hot-hotu runggu-rangga.
(1) Ninia maluk apóstolu hotu hetan oho.
(2) Roma estraga ona templu [entaun]… la iha buat ida mak hela. Flavius Josephus ne’ebe hare ho matan hakerek: “Sira barak ne’ebé mate liu fali destruisaun ne’ebe ema no Maromak lori ba mundu ne’e”.
(3) Ema judeu no ema kristaun barak sai refujiadu. Esperansa moris nian mak maizumenus tinan 40 no 25% mak sai atan iha Roma.
(4) Joao rasik moris hanesan ema aat ne’ebé hetan kastigu iha illa Patmos. Nia la iha seguransa mundu nian, nia laiha garantia ba moris. Bainhira kopu susar nian nakonu ona, Maromak haruka nia atu hatudu ba mundu kbiit no triumfiku ne’ebé loos ba buat hotu ne’ebé ema kristaun halo ona… hakerek iha livru sira-ne’e kona-ba ita-nia moris loroloron nian, tau fatuk moris iha buat hotu ne’ebé lalehan hakarak atu fó sai iha liafuan nee: Ita la presiza situasaun ne’ebé di’ak atu bele halo ida-ne’e akontese.
Ema ne’ebé hakerek salmu hatete: ‘O foo hatene ba hau kona ba dalan moris nian; iha O nia prezensa mak iha haksolok barak,iha O nia liman loos mak iha buat furak too rohan laek’. (Salmo 16: 11)
Aihan Espiritual: 2 Liurai sira, Mateus 18: 10-20, Salmo 80: 12-19, Pro 13:13-16