‘Depois Jesus dehan ba nia, “Oan feto, o nia fiar mak salva o. Lao ba ho dame.’ Lukas 8: 48
Biblia hatete: ‘No iha nebaa iha feto ida nebee iha moras raan suli durante tinan sanulu resin rua. Feto nee gasta buat hotu nebee nia iha hodi selu doutór sira.l Maibee la iha ema ida nebee bele kura nia. Feto ida nee hakbesik ba Jesus hosi kotuk, no nia kona Jesus nia ropa ninin. Depois ninia raan suli nee para kedas. No Jesus dehan, “See mak kona Hau?” Bainhira sira hotu nega kona ba ida nee, Pedro no sira nebee hamutuk ho Jesus dehan, “Mestri, ema lubun boot nee haleu no sena hela O, no O husu, ‘See mak kona hau?’” Jesus dehan, “Ema ida kona ona Hau, tanba Hau hatene katak kbiit sai ona hosi Hau.” No bainhira feto ida nee haree katak nia la bele subar, nia mai ho isin nakdedar no monu iha Jesus nia oin. Iha ema hotu nia oin, nia foo sai ba Jesus tanba saa mak nia kona Jesus no oinsaa nia hetan isin diak kedas.’ (Lucas 8: 43-47)
Iha lisaun importante tolu iha ne’e:
(1) konhese didi’ak no kuidadu didi’ak ita-nia tempu. Feto ne’e komprende katak Jesus vizita ninia sidade no nia la bele fila fali. Iha Maromak nia tempu iha ita-nia moris, ita presiza halo mudansa kona-ba ita-nia ta’uk, no halo ita-nia fiar metin. Se ita la halo ida-ne’e, ita sei lakon Maromak nia di’ak.
(2) Kontinua prontu atu koko dalan ne’ebé la hanesan. Tanba nia la hetan Kristu nia atensaun tanba ema-lubun boot, feto ne’e kona ninia roupa no hetan isin-di’ak. Dala barak, ita presiza haka’as an atu halo buat ne’ebé ita nunka halo, no buka-hatene Maromak nia laran-di’ak ida ne’ebe ita nunka hanoin.
(3) Sai modelu ida. Feto ne’e nia fiar mak ezemplu ida ba ema seluk atu halo tuir. ‘No bainhira ema hosi fatin nee hatene kona ba Nia, sira haruka lia-menon ba rai tomak iha nebaa. No sira lori ba Nia ema hotu nebee moras. Sira husu Nia atu sira bele kona deit Ninia ropa rohan. No ema hotu nebee kona Ninia ropa nee hetan duni isin diak.’ (Mateus 14: 35-36)
Tuir loloos, Maromak buka ema ne’ebé prontu atu harahun hahalok tuan nian. No kuandu Nia hetan sira, Nia uza sira atu loke Ninia kbiit foun hodi ema seluk bele hetan bénsaun no halibur hamutuk
Aihan Espiritual: Ebreu 11: 17-13: 25, Mateus 12: 22-37, Sal 47, pro 12: 4 – 6.