‘Tanba ema loos bele monu dala hitu, no nia sei hamriik fali, maibee ema aat sei sidi iha tempu susar.’ Proverbios 24:16
Se Ita-boot haree ona labarik ida aprende atu la’o, Ita hatene katak monu tun mak parte importante ida husi prosesu nee. Hamrik fila fali ida-ne’e importante tebes atu dezenvolve labarik nia balansu no dezenvolvimentu muskular. Nunee mos, boxista ida la diskualifikadu tanba nia hetan tuku no monu; nia diskualifikadu tanba nia la hamrik fali. Boxista sira hatene katak sira sei monu, entaun sira foka liu ba arte atu monu ho seguru no hamriik lalais. Labarik no boxista sira rua aprende ida-nee: buat hotu kona-ba hamriik fali.
Biblia hatete ba ita katak monu ne’e buat bai-bain ida ba ema ne’ebe loos no laloos. Hamriik fila fali ne’e mak halo sira diferente: ‘Tanba ema loos bele monu dala hitu, no nia sei hamriik fali, maibee ema aat sei sidi iha tempu susar.’ (Proverbiu 24: 16) ida ne’ebe laloos nafatin iha kraik—ida ne’ebe loos hamriik fali!
Tuir Eskritura, Maromak nia atan boot balu monu ba sira-nia sala rasik. Abram bosok ba Farao kona-ba ninia feen Sarai (haree Genesis 12: 11 – 17). Jacob lohi ninia aman no na’ok ninia maun nia direitu moris (haree Genesis 27:17-29). Ho hirus, Moises la halo tuir Maromak hodi tuku fatuk ne’e (haree Numeros 20:7-12). Maibe duke hetan diskualifikasaun, sira hotu “fo sasin ne’ebe diak.” (Ebreu 11:39)
Oinsa mak bele? Tanba sira rekoñese sira-nia sala no simu Maromak nia perdua. Ho liafuan seluk, sira monu, maibé sira hamriik fila fali. No kuandu imi monu, imi mós bele hamriik fila fali. Nee mak parte ida husi Ita-nia fiar iha viajen moris nian. Nafatin iha kraik ne’e falha ne’ebe ita simu—hamrik fila fali fiar ne’ebe ativu!
Aihan Espiritual: 1 Korinto 10-11, Mateus 2:13-18, Salmo 130, Pro 10:12