‘Imi sei hatene lia-loos, no lia-loos sei halo imi livre.’ João 8:32
Jesus dehan: ‘Imi sei hatene lia-loos, no lia-loos sei halo imi livre.’ Presiza aten-barani atu hasoru realidade ne’ebé moras. Fasil liu atu salva aan husi kazamentu ne’ebé iha problema duke hela no esforsu atu hetan fatin ne’ebé di’ak liu. Fasil liu atu sai triste no hanoin rasik duke fila fali ba eskola no treinu ba karreira foun ida. Ita presiza ai-tonka atu hamriik metin ba ita-nia konviksaun bainhira ita iha presaun nia okos.
Dala barak ema hatete: ‘Brani mak kapasidade ida atu halo buat ruma loos maske dalaruma ita tauk, no brani ne’ebe ita koalia mak laos ida ne’ebe ita ineventa. Liafuan Ingles courage mai husi liafuan French heart, ne’ebé signifika fuan. Tan ne’e mak temi: Keta deziste. Fasil atu hatudu aten-barani bainhira ita sente forte, maibé susar liu bainhira ita sente fraku no la adekuadu. Maibe, ne’e mak bainhira imi presiza aten-barani liu.
Jeneral Omar Bradley hateten katak “Brani mak kapasidade atu halo dezempeñu ne’ebé loos maski ta’uk metade mate.” No aten-barani ne’ebé nia ko’alia kona-ba la’ós liafuan mamuk. Nee laiha ligasaun ho mentalidade ‘finjidu’ to’o ita konsege. Hatudu aten-barani katak dehan: Se Maromak promete ona, ha’u fiar, no la’o ba oin maski iha obstákulu sira.
Se ita presiza aten-barani ohin loron, lee no medita ba versíkulu sira-nee:
(1) ‘Maibee imi aten brani ba! Keta husik imi nia liman sai fraku. Tanba Nia sei selu fali imi tuir imi nia servisu.’ (2 Kronicas 15: 7)
(2) ‘Haforsa ema fraku nia liman sira,no hametin ain tuur sira nebee atu monu. Dehan ba sira nebee tauk iha sira nia fuan laran, “Haforsa ba, keta tauk! Tebes, ita nia Maromak sei mai ho vingansa. Maromak atu selu fali sira, no Nia sei mai no salva ita.’ (Isaias 35: 3-4)
Ida ne’e mak signifika aten-barani!
Aihan Espiritual: Exo 12:1-14, Mateus 26:1-29, Salmo 49, 1 Kor 11:20-34