“Vingansa mak Hau nian, no Hau sei selu fali, dehan Nai.” Roma 12:19
Bainhira Ita hanoin katak Ita perdua ona ema ruma, Ita sei odio nafatin [rai] hirus. Indikador balu ne’ebé hatudu katak ita sei iha todan ne’ebe tenki rezolve mak: Ita hanoin nafatin kona-ba ema ne’ebé hakanek ita no ita sai hirus. Ita hasees an husi sira. Imi aproveita oportunidade hotu atu fó-hanoin sira kona-ba buat ne’ebé sira halo. Ita hatene saida mak ita halo daudaun? Justifika hahalok ne’ebé la fó perdua! Iha buat rua ne’ebe Maromak sei la fahe buat rua.
(1) Hahi’i ne’ebé merese fo ba Nia. ‘Hau sei la fó ha’u-nia glória ba ema seluk, no ha’u sei la fahe ha’u-nia glória ba seluk.’ (Isaias 42: 8)
(2) Direitu atu determina buat ruma. Paulo hakerek: ‘Hau nia doben sira, keta selu fali aat ba ema seluk, maibee husik buat nee ba Maromak nia laran hirus. Tanba ema hakerek nanis ona, “Vingansa mak Hau nian, no Hau sei selu fali, dehan Nai.” Maibee, “Se ita nia inimigu hamlaha, foo haan ba nia. Se nia hamrook, foo nia hemu. Tanba liu hosi hahalok nee ita sei tau ahi klaak iha ninia ulun leten.” Keta husik hahalok aat manaan imi, maibee manaan hahalok aat ho hahalok diak.’ (Roma 12: 19 – 21)
Entaun, perdua, entrega situasaun ne’e ba Maromak, no tau fiar ba Nia atu rezolve buat sira ne’e! ‘Bainhira Nia hetan tolok, Nia la hasoru ho tolok, bainhira Nia hetan sofrimentu, Nia la ameasa, maibe Nia entrega ba Maromak ne’ebe halo julgamentu ho justu.’ (1 Pedro 2:23) Hirus kesi ita ba autor, no halo ita sai dadur. Hanoin buat ida ne’ebe halo husi inan-aman ka la’en ka ita nia laen ka oinsá ita nia maluk fo folin ita nia servisu, ka buat ne’ebé ema ruma ne’ebe loos ou lalos ema hatete kona-ba ita, ne’e buat ne’ebe sei halo ita terus deit. Ita lao ba mai so para odio ema, no sira mós la hatene katak ita hirus sira. Keta fó kontrolu hanesan ne’e ba ema seluk kona-ba Ita-nia moris. Perdua – no kontinua ba!
Aihan Espiritual: Exodu 1-3, Lucas 11:45-54, Sal 53 , Pro 6:9-11