Dili— Xefi Gabineti Primeiru Ministru Azevedo Lorenço da Costa Marçal, iha nia aprezentasaun ba workshop matadalan ba kresimentu turizmu iha salaun audotorium Ministeriu Transporte Telekomunikasaun Kinta semana ne’e hateten, Timor Leste asumi problema nutrisaun aat iha nivel 47%no problema insiguransa aihan iha nivel 36%, nudar indikador populasaun konsumu produtu lokal nebe laiha kualidde hanesan aifuan produtu lokal folin baratu nebe folin baratu maibe dodok at ona tanba liu ona prazu freska.
Ligadu ho sirkulasaun osan Estadu, Guvernu estabelese pulítika nebe nebe tau impozisaun tenke sosa produtu lokal rai laran hodi asegura osan Estadu tenke sirkula iha nasaun laran atu povu hotu tantu negosiante produtu no komprador produtu lokal rai laran bele aproveita hotu. Tanba wainhira Guvernu lori osan Estadu ba sosa fali produtu husi rai liur, signifika Osan povu nian ba sirkula iha rai liur, no povu Nasaun laran sai deit konsumidor ba produtu importasaun.
Azevedo fo ezemplu, wainhira katuas agrikultor lokal ida prodús aifarina matak produtu lokal toneladas 10 maka Guvernu lasosa, maka aifarina toneladas 10 ne’e wainhira liu ona prazu sai dodok estraga ona no soe ba lixu, ne signifika laos katuas aifarina nain ne maka lakon mesak maibe Nasaun tomak lakon. Tanba depois laiha ona rezerva produtu lokal iha rai alran maka Guvernu tenke lori osan Estadu hodi ba sosa fali aifarina matak produtu importasaun, katak, osan povu nian ba sirkula iha nasaun estranjeirus sira.
Azevedo realsa, Konselu Ministru aprova tiha ona resolusaun estabelesementu kominsaun interministerial nebe lidera direta husi Primeiru Ministru ho ninia koatzuva husi Ministriu Estadu Kordenador Asuntu Ekonómiku, Ministru Turizmu Komersiu Industria, Ministru Agrikultura no Peska no Ministru Finansas hodi hare direta intervensaun Guvernu ba demanda no suplay ba turizmu.
Ho nune’e fo garantia ba agrikultor nasional sira atu halo produsaun produtu lokal ho kuantidade barak, tanba Guvernu sei estabelese lei kontratu públiku nebe koloka impozisaun obriga tenke sosa 75% produtu lokal rai laran ba nesesidade seta bázikas, merenda eskolara, prizaun, lojistika nasional, PNTL no F-FDTL no seluk tan, hodi garante sirkulasaun osan Estadu iha Nasaun laran. [ag]