Primeiru Ministru Canada Justin Tredeau
Jakarta, CNN Indonésia – Primeiru Ministru Canada Justin Tredeau hetan teste pozitivu ba Covid-19 iha Segunda-feira. Lia-menon ne’e fó sai husi Tredeau iha ninia livru twitter ofisiál.
“Ohin dadeer, ha’u hetan teste pozitivu ba Covid-19. Ha’u sente di’ak – no ha’u sei kontinua servisu iha semana ida-ne’e no tuir matadalan saúde públiku nian. Ema hotu, favór ida, simu tiha vasina ne’e no hetan booster. ”
Tuir Gabinete Primeiru-Ministru Canada nian, Tredeau no nia família mos halo izolamentu ba loron balu depois pozitivu Covid-19. Pelumenus oan ida husi Tredeau mos pozitivu ba Covid-19.
Tredeau nia família muda ona ba fatin ida-ne’ebé taka-matan hanesan demonstrasaun kontra restrisaun saúde nian kontinua iha Ottawa.
Tredeau simu vasinasaun ne’ebé kompletu no simu booster iha 4 Janeiru. Nia mós izoladu iha fulan-Marsu 2020, hafoin nia feen Sophie, hetan moras Covid-19.
Ministru sira husi Gabinete Canada nian, inklui Ministra Negósiu Estranjeiru Melanie Joly, infetadu ho Covid-19 iha fulan hirak ikus ne’e. [mf]