Ministru ba Asuntus Parlamentares no Komunikasaun Sosiál (MAPKOMS), Fransisco Martins da Costa Pereira Jerónimo
Dili – Centro de Formação Técnica em Comunicação (CEFTEC) liu husi Secretariado Comunicação Sosial, sexta (10/12) Iha Salão Delta Nova entrega sertifikadu ba formadu sira. Tema ba cerimonia atribuisaun certifikadu ho tema “Ita-nia abilidade maka difini Ita-nia identidade Iha sosiedade”.
Ceftec nebe tutela iha SEKOMS nomos MAPKOMS nia okos nee konsege forma ona formadores sira husi intituisaun lubuk ida husi nível Nasional no município.
Marka presença iha cerimônia atribuisaun Certifikadu nee maka Ministru ba Asuntus Parlamentares no Komunikasaun Sosiál (MAPKOMS), Fransisco Martins da Costa Pereira Jerónimo, nomos Sekretario Estadu Komunikasaun Sosial (SEKOMS), Mericio Akara no komvidado sira husi parte oin-oin.
Iha diskursu badak husi Ministru ba Asuntus Parlamentares no Komunikasaun Sosiál (MAPKOMS), Fransisco Martins da Costa Pereira Jerónimo, “Primeiro kongratula formadu sira nebe remata sira nia kursu Iha Ceftec. Ministru nee mos husu ba Ceftec belê loke mos kursu nee too nível município tomak no too nivel subdistrito sira. Iha ninia diskursu deklara katak ema hotu nebe moris tenke le’e no aprende i aprende barak, tamba husi le’e no aprende barak maka halo Ita koinese buat barak” Ministru nee hatutan.
Sekretario Estadu Komunikasaun Sosial (SEKOMS), Mericio Akara
Iha fatin hanesan Sekretario Estadu Komunikasaun Sosial (SEKOMS), Mericio Akara iha nia diskursu badak ba formadu sira hateten katak “mesmu imi hasoru desafius todan iha tempu pandemia imi nafatin koragem hodi tuir kursu hirak nee”. Sekretario Estadu Komunikasaun Sosial (SEKOMS), Mericio Akara mos kongratula sira nia hakaas an durante tempu kursu no husu formadu sira hodi utiliza sira Nia matenek hodi servi comunidade tomak ho matenek nebe hetan iha ona”.
Ba jornalista Rádio Voz formadu ida husi Secretariado de Estado Cooperativas ho naran Mitha Marcal hatoo ninia laran haksolok no apresia no urgulho tamba bele partisipa iha kursu refere to’o Renata ho diak.
Mitha Marcal
Iha seksaun ikus cerimônia entrega sertifikadu nee taka ho foto hamutuk ho Ministro Mapkoms no Sekoms hamutuk Formador ho formadores sira (rg).