Prezidente Afganistaun Ashraf Ghani. (Foto: AP)
Embaixador Afganistaun iha Tajikistan Mohammad Zahir Aghbar Kuarta (18/8) akuza Prezidente Afganistaun Ashraf Ghani naok osan kofre estadu nian ho total miloins 169$ no husu polisia internasional atu prende nia.
Ghani sai husi Afganistaun iha Domingu (15/8/21) bainhira Taliban besik Kabul, no nia paradeiru la hatene tuir to’o Kuarta (18/8) bainhira Emirados Árabes Unidos (UEA) hateten simu ona Ghanis no nia familia “ho motive umanitariu”.
Ajensia notisia Associated Press hateten iha konferensia imprensa, Kuarta (18/8), Mohammad Zahir Aghbar hateten Ghanni “naok osan miloins 169$ kofre do estadu,” no temi nia halai ida ne’e hanesan “traisaun ba nasaun no estadu.” Aghbar la koalia detalhu, maibe promete sei aprezenta pedidu ba polisia internasional atu kaer Ghani. [mf]