Profissionais saúde sira halibur amostra teste ran, sidadaun sira nebe halo teste ba COVID-19 Sydney oeste, Quarta-feira, 4 de Agostu de 2021.
Australia kontinua luta kontra surtu virus corona variante Delta, iha nebe relatadu katak sidade boot, Sidney atinji rekorde diariu transmissaun Covid iha nasaun parte Victoria anunsiu sei halo blokeiasaun durante semana ida.
Relativamente kazu no mate tamba Covid-19 iha Australia relative oituan, maibe taxa vasinasaun mak menus, kuaze 20 porsentu ema idade 16 nia leten mak simu ona vasinasaun kompletu.
Lockdown iha Victoria kauza husi kazu walu foun.
“Laiha eskolha ba ida ne’e. ida ne’e blokeasaun nebe sei aplika ho razaun no objetivu diak liu atu reduz kazu to’o seguru ma kami bele loke fila fali, “hateten Primeiru Ministru estadu Victoria, Daniel Andrews ba jorrnalista iha Melbourne.
Sidade bo’ot tolu iha Australia hanesan, Sydney, Melbourne no Brisbane agora taka hotu.
Autoridade saúde nian hateten ba Reuters, sira hein katak sei aplika blokeisaun barak iha fatin hotu, to’o nasaun ne’e atinji taxa vasinasaun nebe aas.
Ema balun preokupa pasus sira ne’e bele obriga nasaun ne’e ba segundu depressaun iha tinan rua nia laran, tamba ema barak sai dezempregu kauza husi empreza barak mak taka. [mf]