Uma sira hetan estragus tamba kauza husi rai monu, hafoin udan makas nebe akontese iha distritu Izusan, Atami, Japaun (3/7).
Soldadu rihun resin, Bombeirus no Polisia iha loron Domingo (4/7) luta salva vitimas rai monu iha sidade turística, sudoeste Tokyo, nebe hamate ema nain rua no ema 20 mak lakon.
Primeiru Ministru Japaun Yoshide Suga hateten ba jornalista katak, ema 19 mak konsege salva, enkuantu uma 130 no edifisiu iha Atami sira hetan estragus.
Ema nain rua mate, maibe preokupasaun mak ema barak lakon, hateten Suga hafoin reuniaun emerjensia ho Gabinete iha Domingo.
Militar, Bombeiru no ekipa sira seluk nebe hetan apoiada husi ró tolu no seguransa tasi-ibun, servisu no hamos taho sira nebe nakonu iha dalan Atami nian , no sira fiar katak ema sira nebe lakon ne’e belit hela fatin ruma ou laloran tasi mak lori.
Área Izusan iha Atami iha nebe rai-monu ne’e akontese sai hanesan resort iha tasi ibun nebe lokalizadu maizmenus kilometre 100 iha sudoeste Tokyo. Área neba famozu ho be’e manas nia hun,no templu sira nebe ita bele hetan iha loja sira. [mf]