Milioner Bill Gates fiar mundu sei fila normal iha tinan 2022 nia ikus, grasa husi vasina COVID-19.
“Ida ne’e tragedia extraordianaria, “dehan fundador Microsoft kona ba pandemia refere iha entrevista ho Jornal Polandia, Gazeta Wyborcza, no emissora Televizaun TVN24, hanesan cita husi Reuters.
“ iha tinan 2022 nia ikus ita sei realmente fila normal, “afirma Gates.
Gates, ne’ebe husik nia kargu prezidente iha Microsoft Corp iha tinan 2014, liu husi instituisaun karidade Bill no Melinda Gates Fundasaun, komitmentu hodi aloka $1,75 bilhaun hodi hasoru pandemia COVID-19. Finansiamentu ne’e inklui apoio produtores vasina balun.
Fasilidade COVAX, hetan apoio husi organizasaun Saude Mundial (World Health Organization/WHO) no Aliansa Global Vasina no Imunizasaun (Global Alliance for Vaccines.and Immunization/GAVI), visa garantir bilhaun 2 dose vasina ba nasaun sira ne’ebe rendimentu tun iha tinan 2021 ikus. (MF)