Ilustrasaun (AFP/KIRILL KUDRYAVTSEV).
Jakarta, CNN Indonezia – Rússia agora daudaun koko hela vasina Covid-19 uza ho maneira rega ba iha inus. Vasina ho metodu ne’e prinsipalmente ba labarik sira nebe ho idade 8-12.
Vasina ho metodu rega ne’e, dezenvolve husi peskizadores vasina Spuntik V husi institute Gamaleya. Lansamentu ba vasina ne’e sei halo iha dia 15 Setembru 2021.
Informasaun husi Reuters, Peskizadores sira halo ona teste ba vasina ne’e ba labarik entre idade 8 no 12. Sira afirma katak la hetan efeitus ruma iha grupu teste.
Aleinde ne’e mos, laiha efeitus ruma nebe ligadu ho temperatura isin.
Peskizadore principal, Alexander Gintsburg hateten vasina ho metodu rega ba inus uza vasina nebe hanesan ba ema bo’ot. Diferensa, vasina ne’e la injektadu (disuntik) maibe rega deit.
“ Ami halo inakulasaun ba ami nia pasiente kikoan liu husi inus, ami so fo vasina nebe hanesan ho rega ba inus, “ dehan Gintsburg, sem fo informasaun detalhu kona ba estudu peskiza, labarik hirak envolve iha laran.
Hanesan lansa husi Live Mint, peskiza ne’e hanesan mos halo hodi dezenvolve spray (rega) ba inus sai hanesan alternativu vasina virus corona iha India.(MF)