Radio Voz relata Imformasaun Covid 19 husi Centru Prevensaun no Mitigasaun Surti Covid 19 Iha loron 30 Marcu 2021.
KOMUNIKADU IMPRENSA
Dr Rui Maria de Araújo, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS)
Iha loron 30 fulan Marsu 2021, hodi Centro Integrado Gestão de Crises, Sala Situação (CIGC-SS) nia naran, hakarak hato’o ba, no ba públiku tomak, informasaun pur eskritu hanesan tuir mai:
✅EVOLUSAUN SURTU COVID-19 IHA MUNISIPIU DILI
Iha 30 de Marsu 2021, iha Munisipiu Dili iha kazu foun 50. Nune’e, kazu detetadu ka pozitivu iha Munisipiu Dili husi dia 7 de Marsu 2021, to’o ohin, 30 de Marsu de 2021, hamutuk hotu 415.
✅EVOSUAUN SURTU COVID-19 IHA VIQUEQUE
Iha kazu pozitivu ida iha Munisipiu Viqueque. Kazu ida ne’e, kontaktu-besik husi kuzu iha cluster ezistente. Ho nune’e, kazu detetadu iha Munsiipiu Viqueque hamutuk hotu 11.
✅DADUS JERAL
1️⃣Kazu foun ohin: 51
2️⃣Kazu rekuperadu: 11
3️⃣Total kazu ativu: 382
4️⃣Husi horiseik mai ohin hamutuk hotu LNS halo 939 testes PCR, inklui ona iha laran 176, ne’ebé mai husi pedidu autorizasaun esepsionál atu sai husi serka sanitária iha Munisipiu Dili.
5️⃣Total pedidu autorizasaun esepsionál atu sai husi & tama mai serka sanitaria iha Munisipiu Dili, horiseik dia 29 de Marsu, hamutuk hotu 129. Sekretariadu CIGC responde hotu kedas, maibé 13 pedidus la prienxe kriteriu tuir Resolusaun Governu.
✅TABELA EVOLUSAUN SURTU COVID 19 IHA TIMOR-LESTE, HAHÚ 22 FEVEREIRU 2021 (Tuir klasifikasaun transmissaun OMS nian)
➡️Munisipiu Dili Totál Komulativu Kazu: 415, Kazu Foun iha oras 24 ikus: 50, Klasifikasaun Transmisaun: KAZU IHA CLUSTER
➡️Munisipiu Baucau Totál Komulativu Kazu: 26, Kazu Foun iha oras 24 ikus: 0, Klasifikasaun Transmisaun: KAZU IHA CLUSTER
➡️Munispiu Covalima Totál Komulativu Kazu: 19, Kazu Foun iha oras 24 ikus: 0, Klasifikasaun Transmisaun: KAZU IHA CLUSTER
➡️Munisipiu Viqueque Totál Komulativu Kazu: 11, Kazu Foun iha oras 24 ikus: 1, Klasifikasaun Transmisaun: KAZU IHA CLUSTER
➡️Munisipiu Lautem Totál Komulativu Kazu: 1, Kazu Foun iha oras 24 ikus: 0, Klasifikasaun Transmisaun: KAZU ESPORÁDIKU
➡️RAEOA Totál Komulativu Kazu: 1, Kazu Foun iha oras 24 ikus: 0, Klasifikasaun Transmisaun: KAZU ESPORÁDIKU
➡️Munisipiu sira seluk Totál Komulativu Kazu: 0, Kazu Foun iha oras 24 ikus: 0, Klasifikasaun Transmisaun: LAIHA KAZU
✅APELU
1️⃣Apela ba komunidade iha fatin ne’ebé maluk sira rekuperadu sira hela bá, favor labele tauk, tamba sira ne’ebé sai husi fatin izolamentu, ekipa saúde sira sertifika ona katak sira la iha ona risku atu hada’et-tutan virus ba ema seluk.
2️⃣Apela ba populasaun Timor-Leste tomak, liu-liu iha Munisipiu Dili, Baucau ho Viqueque atu nafatin hakmatek, lalika sé tilun ba lia-anin ka rumores, pratíka nafatin medida sira ne’ebé ita hotu hatene ona:
▶️Uza máskara
▶️Fase liman beibeik ho sabaun ka dezinfetante ruma
▶️Evita kose liman ba matan, inus ho ibun
▶️Wainhira kumprimenta malu, lapresiza ka’er liman, bensa-liman, rei-malu ka haku’ak malu
▶️Evita halibur malu barak
▶️Hamriik ka tur dook husi ema seluk, mínimu metru ida ho balun.
Radio Voz relata husi #MédiaPaláciodasCinzas