‘Atu sai hanesan ho Nia Oan-Mane nia ilas.’ Roma 8:29
Tanba Maromak maka ita-nia Kriadór no ita-nia Redentór, ita hetan bolu atu sai ‘konforme ho Ninia imajen’ iha sentidu rua ne’e. Entaun, atu sai hanesan liután ho Kriadór maka sai kriativu liután. Bainhira ita aplika ita-nia imajinasaun ne’ebé santifikadu atu serve Ninia objetivu sira, ita halo saida maka Maromak halo di’ak liu no hadomi liu. No ita-nia Aman iha lalehan sente orgullu no haksolok tebes ho ida-neʼe. Hanesan ita selebra kriatividade iha ita nia oan sira, nune’e mós Maromak selebra kriatividade iha ita. Ita-boot nota ona dala hira maka Salmo sira hatete mai ita atu kanta knananuk foun ida? Komandu kriativu ne’e repete dala sanulu-resin-rua.
Kuandu ita deskobre liután kona-ba Maromak, ita hadomi liután Nia. No bainhira ita-boot hadomi liután Nia, ita-boot presiza liután dalan foun sira atu espresa ita-boot nia domin. Maioria husi ita la klasifika ita-nia an hanesan kriativu, maibé ida-ne’e tanba ita define kriatividade ho estreitu. Ita hanoin ida-ne’e hanesan ita halo obra arte ida, invensaun foun ida, ka konsepsaun emprezariál ida. Maibé ida-ne’e maka pedasuk ki’ik ida. Kreatividade la’ós de’it ba artista sira, inventór sira, ka emprezáriu sira; ida-ne’e importante iha aspetu hotu-hotu moris nian. Iha sentidu tomak, kriatividade maka uza imajinasaun ruma.
Sin, iha tempu uluk karik ita uza ita-nia imajinasaun ba objetivu neʼebé sala. Maibé iha moris foun, ita-boot nia imajinasaun hetan redensaun atu nune’e bele uza hodi fó glória ba Maromak. Se Maromak maka kriativu tebes, no ita la’ós de’it kria tuir Ninia imajen maibé bolu atu konforme ho Ninia imajen, entaun kriatividade la’ós opsionál. Ida-ne’e maka dimensaun ida husi maturidade espirituál.
Aihan Espiritual: Apóstolu sira-nia hahalok 24-26, Mc 2:23-28, Sal 94:1-11, Prov 11:14-15