Reitor Institutu Of Business Pedro Ximenes aprezenta Prezidente Repúblika DR. Ramos Horta katak, IOB haruka estudantes bolsu estudu na’in 46 kompostu feto na’in 24 no mane na’in 22 atu ba eskola iha Portugal.
Dili— Reitor Institutu Of Business Pedro Ximenes aprezenta Prezidente Repúblika DR. Ramos Horta katak, IOB haruka estudantes bolsu estudu na’in 46 kompostu feto na’in 24 no mane na’in 22 atu ba eskola iha Portugal. Klasifikasaun nivel estudus husi total alunus ne’e, na’in 26 sei ba kontinua estudus iha nivel ensino sekundáriu tékniku vokasional, enkuantu na’in 20 sei ba aplika estudus iha nivel ensino superior iha Instituto Politékniku Bragasa. Estudantes sira ne’e sei aranka ba Portugal iha loron 16 de Outubro, no to’o iha Portugal sei tama kedas ba sala esloka tanba estudantes sira ne’e matrikuladu kompletu tiha ona iha eskola sira iha Portugal.
Estudantes sira ne’ebe haruka ne’e nudar programa bolsu estudu husi kooperasaun entre Instituto Of Business IOB Dili ho eskola sira iha Portugal, ne’ebe hahú ona husi tinan 2017 to’o tinan 2022 ne’e konsege haruka ona total kumulativu númeru estudantes liu 150 ba eskola iha Portugal. Pedro dehan, grupu alunus sira nebe anteriormente iha tinan 2017 IOB haruka ba eskola iha Portugal balun sei finaliza ona estudus no simu graduasaun iha tempu badak hodi fila mai Timor Leste.
Enkuantu estudantes bolseiru IOB Carol Pascoal Gomes hateten ke nia iha ona esperiensia nudar estudantes IOB nebe anteriormente enviadu ba estuda iha nivel sekundariu iha Portugal, loke ona nia vizaun ke kuríkulu iha Portugal todan tebes nebe ijiji vontade bot hodi estuda, no kustu vida moris mos todan nebe ijije pasiensia bo’ot, maibe nia iha hakarak bo’ot mos atu ba eskola iha Portugal tanba iha Portugal nia bele aprende hodi hatene buat barak. [ag]