Diretor kompainia Autozone Unipesoal Lda. Chen Youyu
Dili— Diretor kompainia Autozone Unipesoal Lda. Chen Youyu Segunda semana ne’e entrega ekipamentus pesadas 15 ba Institutu Jestaun Ekipamentus EP. Chen Youyu iha nia intervensaun agradese ba konfiansa IJE.EP. ba kompainia Autozone sai fasilitador ba prosesu sosa ekipamentus pesadas refere.
Autozone hanesan kompainia internasional ne’ebe ijisti tinan 7 ona iha Timor Leste sai parseru diak ho instituisaun sira Guvernu nian, embaxadas sira no seitor privadu sira. Chen Youyu iha nia intevensaun hateten, kualidade ekipamentus pesadas 15 ne’ebe entrega ba IJE.EP. ne’e rekuinesidu nudar kualidade internasional. Kompainia Autozone fo oferese garansia durante tinan ida ba uzu mákina ekipamentus pesadas 15 ne’e, no fornese gratuitamente items manutensaun ba mákina durante tempu tinan tolu.
Prezidente IJE.EP Ermenegilda da Costa Laurentina.
Enkuantu prezidente IJE.EP Ermenegilda da Costa Laurentina isplika ba jornalsita sira hateten, ekipamentus 15 ne kompostu eskavator ho kódegu 55 rua, kódegu 135 rua no kódegu 215 rua, ekipamentu pesada seluk maka rotanis, tronton no pernamatik fibrolik, ekipamentus 15 nebe kompainia Autozone sosa husi China ne’e ho total kustu orsamentu hamutuk milaun 1,688,000.00 dolares Americano.