Foto : Ramos Horta, prezisenti RDTL no Nguyen Thi Hai Ly, prezidente Telemor-Viettel Global, José Agostino da Silva, Ministru Telekomunikasaun.
Dili– Kompanhia Operador Telekomunikasaun Telemor Segunda kalan semana ne’e selebra aniversariu ba dala 10 no hetan prezensa husi Prezidenti RDTL DR. Ramos Horta. Prezidenti Viettel Global Nguyen Thi Hai Ly iha nia intervensaun hateten, kompainia Telemor hamrík iha Timor Leste nudar simbolu amizade no kooperasaun ekonómika no kultura entre guvernu rua Vietnamia ho Timor Leste.
Nguyen Thi Hai Ly nebe ko’alia ho lian nasional Vietnamia no tradús ba lian tetun husi tradutora ofisial Deolinda Marçal Belo ne hateten, susesu Telemor to’o iha aniversáriu tinan 10 nudar rezultadu husi servisu no esforsu koletivu ofisiais no funisonarius 200 nebe maioria 90% Timor oan.
Nia dehan, Timor Leste nudar nasaun joven liu iha nasaun sudeste Azeátiku, maibe orguillu tanba Timor Leste bele la’o hanesan ho nasaun sira seluk iha rejiaun no iha mundu telekomunikasaun no teknolozia informasaun.
Susesu Telemor ne’e rezulta husi estratezia dezenvolvimentu korreta no lideransa, ho atensaun husi guvernu Timor Leste espesialmentu apoiu no konfiansa ba grupu kompainia Vietel nia prezensa iha nasaun Timor Leste hodi fo asesu no benefisiu teknolozia komunikasaun ba povu Timor Leste.
Telemor nudar kompainia aviliasaun husi grupu kompainia Viettel Global iha Vietnamia nudar grupu kompainia telekomunikasaun no teknolozia informasaun nebe bot liu iha Vietnamia, no iha inflensia bot iha rejiaun sudeste Azeátiku, no asumi sekuensia pozisaun 10 iha Ázia no iha sekuensia pozisaun 18 iha rangkin operadores rekuinesidu liu iha tinan 2022.
Durante nia ejistensia tinan 10 Telemor kontribui ho nia misaun lori telekomuniksaun akumula 96% populasaun Timor Leste tantu areas rurais no areas remotas. Duranti tempu viazen tinan 10 Telemor konsege muda pre-konsetu telekomunikasaun ba deit pozisaun ema klasse ás, sai telekomunikasaun ba klasse hotu, iha nebe deit, no bainhira deit.
Peranti Prezidenti RDTL DR. Ramos Horta, Prezidenti Vietel Global deklara misaun foun sei transforma Telemor sai emprensa pionera lidera prosesu transformasaun dijital hodi kontribui ba nasaun Timor Leste ida próspero no sustentavel ho atividades prinsipal 4 maka; Guvernu Djital hodi serví diak liu ba populasaun, ekonomia dijital nebe hariku populasaun, sosiedade dijital konsiensializa ema, no ciber siguransa ba ema hotu moris ho seguru, nudar forma diak liu nebe Telemor nia gratidaun ba guvernu no povu Timor Leste.
Prezidenti Vietel agradese no hameno ba ofisiais no funsionarius emprensa Telemor 200 katak, tinan 10 jornada Telemor la’os barak kompara ho istoria emprensa bot iha mundu iha dékada balun liu ba. Telemor atinji duni susesu balun, no unidus duni hodi ultrapasa difikuldades no luta hamutuk desde inísiu emprensa Telemor hahú hamrik.
Nguyen Thi Hai Ly subilna, Telemor hamrík iha pozisaun númeru primeiru nudar gloriozu, maibe signifika mos nudar responsabilidade ida nebe bo’ot liu tan hodi presta servisu diak liu tan ba povu Timor Leste tomak.
Enkuantu Ministru Telekomunikasaun José Agostino da Silva hateten, Telemor Timor Leste nudar kompaina operador telekomuniaksaun ida nebe konkista ona númeru kliente 560.000 bot liu kompara ho kompainia operadores telekomunikasaun sira seluk. Telemor mos halo investimentu bo’ot iha infraestruturas terestria fibra ótika kobre teriotoriu nasional tomak atu fasilita interese populasaun klienti telekomunikasaun iha nasaun laran.
Guvernu kontinua tau espetativa atu Telemor hadi’a nafatin kualidade atendementu ba sosiedade telekomunikasaun nasional adekuadamente, no nafatin iha vontade hodi ifrenta no ultrapasa difikuldades ruma nebe akontese iha nasaun Timor Leste. [ag]