Ministru Estadu kordenador assuntus ekonómiku Joaquim Amaral.

Dili-– Ministru Estadu kordenador assuntus ekonómiku Joaquim Amaral iha palásiu Prezidenti Nicolau Lobato Tersa semana ne’e hatan ba jornalista sira hateten, MECAE aplika programa sesta báziku tuir lei katak, ema sira nebe saláriu dolares 500 ba leten la hetan direitu ba sesta bázikus, ka so ema sira ne’ebe rendementu menus husi dolares 500 deit maka bele simu cesta bázikus. Ministu apela ba entidades hotu inklui mídia atu kontribui ba susesu implementasaun programa sesta báziku, no ajuda dekobre no hat’o keixa wainhira deskobre ema ruma simu cesta bázikus kontra lei, ka lapriense rekejitus lei maibe simu fali cesta bázikus,” lei ne lei, ita nia pozisaun labele ás liu fali lei, tanba ne husu ba entidades hotu liu-liu mídia atu informa ba MECAE inklui informa ba KAK karik iha ema ruma manan salariu dolar 500 simu cesta báziku” dehan ministru.
Ministru dezafia entidades hotu inklui Komisaun Anti Korrupsaun no mídia komunikasaun sosial atu tulun deskobre karik iha ema balun la priense kriteria simu sesta báziku.
Hatan kona ba kualidade materia cesta bázikus, minsitru rekuinese akontese duni kazu balun husi kompainya distribudor balun ke momentu distribuisaun cesta bázikus deskobre item ida-rua husi materia cesta bázikus balun at ka estragadu, maibe la’os intensionalmente maibe tanba kondisaun husi kualidade fasilidiade armazenamentu kompainya distribudor sira balun nebe ladun kondusivel, maibe wainhira akontese, maka ho konkordansia husi benefisiáriu sira sempre rezolvidu kedas iha momentu distribuisaun. [ag]