Sekretariu Jeral partidu Frente Revolusionariu de Timor Leste independente FRETILIN DR. Marí Alkatiri. (Foto: André Gusmão).
Dili— Sekretariu Jeral partidu Frente Revolusionariu de Timor Leste independente FRETILIN DR. Marí Alkatiri Tersa semana ne’e hasoru malu ho prezidente Repúblika DR. Ramos Horta iha palácio prezidente Nicolau Lobato hodi ko’alia kona ba distinu nasaun ba futuru.
Marí Alkatiri isplika ba jornalista sira dehan, iha nia hasoru malu ho Prezidente Repúblika loron ne foka diskusaun ba importansia komunikasaun entre lideransa nacional katak, nasaun ne’e presiza lider nasional sira ko’alia ba malu hodi buka solusaun ida nebe sustentavel, tanba lider nasional sira hotu jerasaun 75 nian atinji ona idade tinan 70 resin ona, no tempu hela deit tinan 5 atu hadi’a no hametin saida maka tenke had’a no hametin,” Ita nia rai ne’e presiza ita hotu ko’alia ba malu buka solusaun ida ke sustentavel, no ami hotu tinan idade tina 70 resin ona no hela deit tinan 5 tan para atu hadi’a saida maka ita tenke hadi’a no hametin saida maka ita tenke hametin”, Dehan Marí Alkatiri.
Maibe lideransa jeraaun 75 sira tenke hamutuk atu bele husik hela ba jerasaun futuru situasaun ida nebe labele todan demais, atu jerasaun futuru bele hanoin ba kotuk no bele dehan, lós ita aman, avó sira balun fo an ba mate, balun fo servisu maka’as, balun ho entedementu nesesáriu maka husik ba ita tenke banate tuir sira ou ka labanate tuir sira.
DR. Marí sublina, durante tinan 20 nia laran ukun rasik an ita labele dehan sasan hotu nebe ita halo lós hotu, tanba iha tinan 20 nia laran ita hotu seidauk iha esperiensia atu harí Estadu, ita halo sasan barak ke ita tenke hatene katak tempu ona atu hanoin ba kotuk maibe atu hateke ba oin.
DR. Marí la mensiona naran lider nasional sira nebe presiza tur hamutuk ba diálogu, maibe nia dehan ema hotu hatene nasaun ne sei presiza lider nasional sira 75 nian, maibe nasaun presiza lider nasional 75 sira atu hamutuk.
Marí Alkatiri rekuinese Prezidente Ramos Horta nudar ema ida nebe hakarak buka konsensus, DR. Marí mos afirma an nudar ema ida nebe buka liu konsensus. [ag]