Lider Ekipe Ministeriu Agrikultura Diretora Jeral Agrikultura Maria Odete do Céo Guterres.
Dili– Lider Ekipe Ministeriu Agrikultura Diretora Jeral Agrikultura Maria Odete do Céo Guterres iha okaziaun enkontru asesmentu ho delegasaun Fact Finding Azean iha salaun konferensia Suai Room Timor Plaza Kinta semana ne’e ba jornalista sira hateten,
Ministeriu Agrikultura no peska halo aprezentasaun ba delegasaun Fact Finding Azean foka ba pulítika no estratezia Timor Leste hodi priense kriterias adezaun ba membru Azean relasionadu ho situasaun real seitor agrikultura, peskas, florestas no pekuária. Pulítika Timor Leste maka reforma leis, dekretu leis, regulamentu no resolusaun sira nebe sai mos kriteria sira nebe organizasaun nasoins Azean hakarak.
Fo resposta ba preokupasaun husi delegasaun Fact Finding Azean relasiona ho problema atividades peskas ilegais ne’ebe sei kontinua akontese iha teritoriu tasi Timor Leste, problema volume produsaun relasionadu ho volume inportasaun no exportasaun, Maria fo resposta ba delegasaun Azean hateten, kona ba atividades ilegais iha teritoriu tasi Timor Leste, Maria hatan ba delegasaun katak, Timor Leste iha kooperasaun efetivu ho nasoins vizinho sira hodi proteze rikusoin tasi Timor Leste husi infiltrasaun ema peskador ilegais sira.
Enkuantu kona ba volume produsaun, exportasaun no inportasaun, Timor Leste prepara hotu ona lei exportasaun no importasaun tuir sistema internasional nian ne’ebe sei fasilita Timor Leste atu halo exportasaun no importasaun produtus lokal nebe valores ekonómiku bot hanesan kafé, kamí, vanila no seluk tan ne’ebe sei priense lolós kriteria exportasaun rejional no internasional. [ag]