Vice Prezidenti Câmara Comérçio Industria Timor Leste Hergui Luina Fenandes Alvez.
Dili– Vice Prezidenti Câmara Comérçio Industria Timor Leste Hergui Luina Fenandes Alvez iha eventu aprezentasaun ba delegasaun Fact Finding Azean iha salaun konferensia hotel Novo Turizmu Kinta semana ne’e ba jornalista sira isplika,Câmara Comércio Industria Timor Leste CCI-TL halo aprezentasaun ba delegasaun Fact Finding Azean katak, CCI-TL lahein to’o Timor Leste adere ona ba membru organizsaun nasoins Azean, maibe kumesa agora CCI-TL loke an hodi simu ivestimentu no parseria ho seitor privadu husi rejiaun Azean.
Hergui revela ba delegasaun dezafius no frakezas hirak ne’ebe seitor privadu Timor Leste infrenta hanesan problema kuinesementu negósiu, investimentu iha área estratéziku, asesu ba kapital finanseiras ne’ebe iha ona dalan opsaun barak nebe seitor privadu lokal bele hetan iha Nasaun laran, hanesan inkuadramentu legal ne’ebe fortalesse seitor privadu nasional bele halo negósiu ho diak, hodi loke ona dalan ba paseria investimentu no negosiu seitor privadu externu iha Timor Leste.
Hergui esplika ba delegasaun Fact Finding Azean katak, seitor privadu Timor Leste nudar nasaun post konflitu sei iha faze embrióniku nebe laiha esperiensia, laiha kapital finanseirus no laiha kapasidade, no dependensia total ba seitor públiku nudar dalan hodi akumula kapital finanseiru duranti tinan 20.
Timor Leste sei iha hela faze embrióniku atu hahú investimentu iha área produtivus estratéziku sira nebe seitor privadu sira presiza iha kuidadu bot tebes no presiza kooperasaun parte hotu nian hanesan CCI-TL, Asosiasaun emprezarial, Guvernu, hamutuk ho nasoins membru Azean sira, atu seitor privadu Timor Leste bele moris hanesan labarik ida ne’ebe diak no forte hodi kontribui ba ekonomia nasional no rejiaun.
Hergui Luina haktuir, delegasaun Azean Fact Finding fo resposta ba aprezentasaun CCI-TL ne hateten, problema nebe seitor privadu Timor Leste hasoru hanesan mos seitor privadu sira rejiaun Azean hasoru. Maibe iha valores hirak nebe CCI-TL promove hela maka advokasia no kapasitasaun seitor privadu ida real, dinámiku no produtivu nebe involve ema seitor privadu hotu husi nivel mikro, médiu to’o makro hodi fo sustentabilidade eknómiku ba seitor privadu no nasaun nian.
Delegasaun Fact Finding apresia pozitivmente esforsu seitor privadu Timor Leste nebe hakarak hadia seitor privadu ba oin. No Delegasaun Azean konvida kedas Seitor privadu Timor Leste atu ba partisipa eventu konselu misaun Azean iha fulan novembru 2022, atu sai membru ba instituisaun konselu misaun Azean, atu seitor privadu Timor Leste bele hahú hadi’a no prepara an diak liu tan. [ag]