Minsitru Prezidensia Konselu Ministrus Fidelis Magalhães.
Dili– Reprezentante prinsipal Guvernu Minsitru Prezidensia Konselu Ministrus Fidelis Magalhães iha nia intervensaun ba serimonia asinatura akordu kompaktu iha salaun nobre Ministeriu Negosiu Estranjeirus no kooperasaun Tersa semana ne’e hateten, Guvernu asina akordu kooperasaun ho Milennium Chanllenge Cooperation MCC loron ne ho montante osan Milaun 484 dolares Americano, nebe milaun 420 mai husi Guvernu Estadus Unidus America liu husi Ajensia Americano Milennium Chanllenge Cooperation MCC, enkuantu millioins 64 mai hus Guvernu Timor Leste rasik.
Hodi kontinua finansia projetu sira iha tutela Ministeriu Obras Públikas iha Ajensia Bé Timor Leste nia supervizaun nebe atu garanti kanu sei liga husi umakain sira ba iha fatin sentru tratamentu alen ba projetu draenazen.
Fidelis lori Guvernu Timor Leste nia naran agradese maka’as ba konselu administrasaun MCC nia apoiu maka’as hodi hatan ba dezafius kultural sosiedade Timor Leste.
Guvernu Timor Leste fiar akordu ho montante osan bo’ot ne sei lori duni benefisu bot ba povu Timor oan sira ba futuru.
Akordu kooperasaun ne’e nudar loron importante ba oitavu Guvernu konstitusional, Estadu no Povu Timor oan tomak. Akordu ho montante osan bo’ot ne’e hatudu konfiansa bo’ot husi Guvernu America ba Guvernu Timor Leste lideransa Jeneral Taur Matan Ruak no ba instituisaun Estadu Timor Leste tomak ne’ebe halo esforsu hodi priense rekejitus MCC.
Akordu kompatktu ne’e mos atu hadia área rua importante ba dezenvolvimentu Timor Leste maka edukasaun, saneamentu no abastasementu ba Bé hodi promove kresementu ekonómiku justu no sustentavel no oferese edukasaun no saúde kualidade diak ba sidadaun hotu.