Prezidenti RDTL DR. Ramos Horta.
Dili— Prezidenti RDTL DR. Ramos Horta iha nia intervensaun iha dialogu komunitariu Prezidenti Repúblika ho komunidade Ermera iha Gleno Ermera Sábadu semana kotuk hateten, Timor Leste tenke buka hakle’an dame no paz iha nasaun laran no sai nasaun ezemplar dame toleransia no inkluzaun no labele iha diskriminasaun ba kualker grupu relijiaun minoria sira hanesan Protestante, Izlam, Budha, Hindu no seluk, inklui labele iha diskriminasaun ba komunitas defisiensia sira, komunitas LGBT, no kualker ema husi kualker estatutu sosial.
Prezidenti Ramos Horta esplika, povu Timor Leste maioria praticante relijiaun Cristã Católico, maibe praticante Cristã nebe lolós maka tenke tuir Cristo nia doutrina ezemplu no hahalok maka, hadomi ema seluk hanesan ita nia an rasik, hadomi ema sala-na’in sira inklui ema prostituta sira. Kristã Católico laos tanba badinas ba missa, simu komuñao, kanta no rona umília.Timor Leste bele sai nasaun ezemplar ho valores fraternidade umana diak iha mundu, tanba relijiaun hotu iha mundu hanorin valores fraternidade umana. [ag]