Ministru Estadu Kordenador Asuntus Ekonómiku Joaquim Amaral. (André Gusmão)
Dili— Ministru Estadu Kordenador Asuntus Ekonómiku Joaquim Amaral iha okaziaun konferensia nivel ás adezaun Timor Leste ba organizasaun nasoins rejiaun Azean no organizasaun mundial kumérsiu iha edifisiu Ministeriu Negócio Estranjeirus no Kooperasaun Tersa semana ne’e ba jornalista sira hateten, kuaze tempu semana ida nia laran delegasaun Azean hela iha Timor Leste hodi ajuda prepara dokumentus tékniku hotu ne’ebe Timor Leste presiza ba reuniaun grupu trabalho ba dala-haat ne’ebe sei realiza iha fulan Setembru mai.
Ministru Joaquim Amaral haktuir, grupu trabalho Azean ne’ebe servisu ba adezaun Timor Leste espressa pontu de vista pozitivu ba pozisaun Timor Leste no realmente atualiza evolusaun avansus signifikantes ho tendensia orientadu ba realizasaun adezaun Timor Leste ba organizasaun Azean no ba organizasaun mundial kumérsiu. Ministru Joaquim afirma, Timor Leste bele gradua ona adezaun ba organizsaun rejiaun Azean no organizasaun mundial kumérsiu iha tinan 2022 ne’e wainhira konsege kumpri hotu rekejitus estabelesidus iha organizsaun nasoins rejiaun Azean no organizasaun mundial kumérsiu.
Konferensia nivel ás ne’e hetan prezensa husi prezidente RDTL DR. Ramos Horta no Primeiru Ministru RDTL Jeneral Taur Matan Ruak ne’ebe fo apoiu maka’as ba prosesu tomak atu Timor Leste halo preparasaun diak hodi tama ba organizasaun nasoins rejional Azean no organizasaun mundial kumérsiu. [ag]