Primeiru Ministru RDTL Jeneral Taur Matan Ruak.
Dili– Primeiru Ministru RDTL Jeneral Taur Matan Ruak orienta ona prezidenti autoridade munisipiu Dili atu kontrola didiak populasaun negosiante sira nebe fa’an sasan iha fatin-fatin iha sidade kapital Dili. Maibe mos alerta ba populasaun negosiante sira atu kumpri regras nebe autoridade sira hatur.
No labele bok negosiante sira wainhira sira nia atividades lainterrompe interese movimentu no sirkulasaun públiku, “Hau orienta ona prezidenti autoridade munisipiu Dili atu tenke kontrola didiak atividade populasaun negosiante sira nebe fa’an sasan, maibe labele bok negosiante sira, wainhira sira nia atividades lainterrompe interese movimentu no sirkulasaun públiku, “dehan Primeiru Ministru”.
Primeiru Ministru hateten ida ne’e ba jornalista sira relasiona ho programa autoridade munisipiu Dili ne’ebe atu halo atuasaun ba populasaun negosiante sira ne’ebe fa’an sasan iha estrada sira hanesan estrada besik rotunda monumentu Prezidenti nicolau Lobato Comoro, rotunda Elemloi, estrada ninin Aimutin no fatin hirak iha kapital Dili ne’ebe sempre implika enggarafementu ba movimentu no sirkulasaun viaturas kareta no motor sira. [ag]