Vice Primeira Ministra no Ministra Solidaridade Sosial no Inkluzaun Armanda Berta (Foto fontes: Google)
Dili– Vice Primeira Ministra no Ministra Solidaridade Sosial no Inkluzaun Armanda Berta Sesta semana ne’e relata ba Primeiru Ministru Jeneral Taur Matan Ruak iha Palásiu Guvernu kona servisu hotu ne’ebe nia halao nudar primeira Ministra Interina duranti periodu tempu 13-30 de Juñu 2022 nia laran, wainhira Primeiru Ministru Jeneral Taur Matan Ruak ba halao tratamentu saúde iha Sigapura.
Pontus relatoriu ne’ebe relata ba Primeiru Ministru kompostu relatoriu anual servisu tinan 2021 nian, atividades sosiais nebe MSSI aplika, atividades vasinasaun, no aprezenta plataforma asuntus sosiais tinan 2022 nian. Aleinde preparativus ezekusaun pagamentu osan ferik katuas nebe sa’e ona ba montante 50 dolares Americano kada fulan, sai nudar pontu relatoriu nebe vice Primeira Ministra no Ministra Solidaridade Sosial no inkluzaun relata ba Primeiru Ministru Jeneral Taur Matan Ruak.
Tuir planu Primeiru Ministru RDTL Jeneral Taur Matan Ruak sei halo lansamentu pagamentu osan ferik katuas ne iha loron 7 de Jullu 2022 iha munisipiu Liquiça. [ag]