Prezidenti Repúblika Demokrátika Timor Leste DR. Ramos Horta.
Dili– Prezidenti Repúblika Demokrátika Timor Leste DR. Ramos Horta Kinta kalan semana ne’e partisipa iha eventu “Hasoru malu – espoziasaun koletiva 20+ artistas iha Resinto Fundasaun Oriente. Prezidenti Ramos Horta halo observasaun direta ba espozisaun husi artistas arte moris sira ne’ebe aprezenta perkursu pinturas, kaligráfias, dansa koreografias no banda músikas.
Iha nia intervensaun Prezidente Ramos Horta espresa nia elojiu no admirasaun ba perkursu artista arte moris sira nebe nia nota nudar kualidade diak tebes. Prezidenti Ramos promete sei konvoka enkontru iha tempu badak entre Prezidente Repúblika ho artista sira iha palásiu prezidenti hodi koalia no organiza programa espozisaun permanenti artistas sira nian hodi promove arte kultural no halo divertimentu sosial iha Nasaun laran. [ag]