Prezidenti Konselu Imprenza Timor Leste Virgílio da Sila Guterres
Dili– Prezidenti Konselu Imprenza Timor Leste Virgílio da Sila Guterres iha okaziaun eventu formasaun Reportazen Violensia bazeia ba jéneru, iha hotel Golden Star Kuarta semana ne’e ba jornalista sira hateten, Asuntu jéneru sensitivu iha sosiedade Timor nebe komplika diskriminasaun bo’ot sosiedade leet, tanba ne’e konselu imprenza hasai manual kona ba termu linguazen no toleransia narativa ho métudu verifikasaun ba jornalista sira atu halo kobertura ho étiku ba asuntu violensia bazeia ba jéneru.
Iha kobertura asuntu violensia bazeia ba jéneru, jornalista tenke iha kapasidade entendementu klaru no kupriende kle’an kona ba asuntu sosial sensitivu sira iha no hatene termu linguazen nebe koloka iha kontestu jéneru ligadu ho kestaun biolozia, vítima sexual no orientasaun sexual. Tuir observasaun Konselu Imprenza, jornalista barak la lahatene koloka títulu termu no toleransia narativa iha nutisia sira kona ba violensia bazeia ba jéneru hasoru feto, no dala barak tendensia termu linguazen nebe jornalista koloka iha títulu no konteudu nutísia hatur feto vítima sira sai objetu multi vítima. [ag]