Komunikadu ba Imprensa

Komunikadu ba Imprensa

Primeiru- Ministru Taur Matan Ruak ohin dezloka ba li’ur halo tratamentu saúde

Dili, loron 15 fulan-juñu, tinan 2022 – Sua Eselénsia Primeiru- Ministru Taur Matan Ruak, kuarta ohin dezloka ba Singapura hodi hala’o tratamentu saúde iha Mount Elizabeth Novena Hospital, tuir rekomendasaun hosi médiku Ospitál Nasionál Guido Valadares nian.

Durante pandemia COVID-19, Xefe Governu hala’o de’it check-up iha HNGV Dili, tanba ne’e, médiku HNGV rekomenda atu Xefe Governu presija ba tratamentu saúde iha Ospitál mais avansadu atu médiku espesialista sira bele kontrola di’ak Xefe Governu nia kondisaun saúde.

Enkuantu halo hela tratamentu saúde iha li’ur, Vise Primeira-Ministra, Sra. Armanda Berta dos Santos mak sei asumi pasta interinamente.

Xefe Governu sei fila fali mai rai laran iha loron 29 fulan-juñu tinan 2022.

HOTU

#MediaGPM