Alcino Barris, Prezidenti Komisaun Nasional Eleisoin, (Foto: Andre Gusmão/Ravoz).
Komisaun Nasional Eleisoins lansa resensiamentu eleitoral ba eleisaun prezidensial 2022.
Prezidenti Komisaun Nasional Eleisoins Alcino Barris iha nia intervensaun iha serimonia lansamentu resensiamentu eleitoral no atualizasaun baze de dadus iha salaun Lalini Larigotu edifisiu CNE kinta semana ne’e heteten, sidadaun sira nebe resensia ona iha baze dadus eletoral maka iha direitu atu ejerse direitu votus iha loron eleisaun sira.
Kredibilidade no verasidade husi baze dadus eleitoral sei afeta ba kredibilidade husi rezultadu absoluta eleisaun rasik.
Kriteria tratamentu kartaun eleitoral bazeia ba sertidaun batizmo deit, tuir supervizaun CNE asumi posibilidade no tendensia hamosu iregularidade tanba, sertidaun batizmo laos sidadaun Timor oan maka iha sertidaun batizmo tanba, sidadaun hosi estranjeirus mos iha sertidaun batizmo. Alcino fo hanoin ba sidadaun hotu nebe hela iha nasaun laran no iha rai estranjeirus atu submete ba prosesu resensiamentu eleitoral tanba, so iha kartaun eleitoral maka foin iha diretu hodi vota iha eleisaun sira.
Diretor Jeral Sekretariadu Tékniku Administrasaun Eleitoral STAE Acelino Manuel Branco iha nia intervensaun hateten, fulan hirak tan Timor Leste tama ba festa demokrasia povu iha eleisaun prezidensia da republika tinan 2022. Parte STAE hahú halao prosesu preparasaun tekniku iha teritoria nasional tomak hodi too ba implementasaun feste eleisaun prezidensial iha tinan 2022.
Periodu prosesu resensiamentu eleitoral no atualizasaun baze de dadus sei lao durante fulan 6 ba oin. [ag]